Дзень юбілейнай кнігі “Памяць. Глыбоцкі раен”
85 год Глыбоцкаму раёну
З нагоды 85-годдзя Глыбоцкага раёна і 30 год з дня выхаду кнігі “Памяць. Глыбоцкі раен” у Падсвільскай гарпасялковай бібліятэцы адбылося знаёмства з гэтым выданнем. Знаёміліся з краязнаўчай кнігай вучні старэйшых класаў ДУА "Падсвільская сярэдняя школа імя П.М.Казлова".
Бібліятэкар зрабіла грунтоўны агляд выдання, раскрыла яго змест і асноўныя раздзелы, распавяла пра шматлікія дакументальныя матэрыялы ў радзеле "Ішла вайна народная...", узгадала асобныя факты пра далёкае мінулае.
Зрабіла акцэнт на нарысы і дакументы, якія распавядаюць пра выдатных і знакамітых людзей раёна : І.І.Карпезу, П.В.Пугачэўскага, Ф.М.Дамінікоўскага, П.І.Каруза, А.Г.Майсяёнка, славутых працаўнікоў раёна, удзельнікаў літаратурнага жыцця Глыбоччыны.
Ішла гаворка аб працэсе стварэння кнігі і аўтарах краязнаўчых артыкулаў.
Мерапрыемства было цікавым для школьнікаў, бо кніга "Памяць. Глыбоцкі раён" змяшчае асноўныя факты гісторыі раёна, веданне якіх неабходна кожнаму, хто цікавіцца мінулым і сучасным жыццём сваёй малой радзімы.
Яцкоўская С.П., загадчык Падсвільскай гарпасялковай бібліятэкі
- 371
