26 красавіка у рамках  Глыбоцкай цэнтралізаванай бібліятэчнай сістэмы аб'яўлена дабрачынная акцыя “Помнім! Шануем! Аберагаем!”

Супрацоўнікі Глыбоцкай цэнтральнай раённай бібліятэкі, Запрудскай, Мнюцкай, Мацюкоўскай сельскіх бібліятэк, Абрубскай, Гатаўшчынскай, Івесьскай, Бабічоўскай бібліятэк-клубаў ужо добраўпарадкавалі тэрыторыі вакол помнікаў і абеліскаў  у весках Зарубіна,  Запруддзе, Мнюта, Мацюкова, Абруб, Гатаўшчына, Івесь, Бабічы, Удзела.

Бібліятэкары цэнтральнай раённай бібліятэкі добраўпарадкавалі тэрыторыю ля помніка загінуўшым землякам  ў вёсцы Зарубіна, падмялі лісцё, галінкі дрэў, высадзілі кветкі. Загадчык Бабічоўскай бібліятэкі-клуба пафарбавала аграду каля помніка, абнавіла надпіс на помніку загінуўшым землякам, які знаходзіцца ў цэнтры вёскі Бабічы. Супрацоўнікі Гатаўшчынскай бібліятэкі-клуба сумесна з качагарамі і будаўнікамі мясцовай гаспадаркі абкасілі і зграбілі траву, навялі парадак каля будынка культустановы і помніка, пафарбавалі помнік загінуўшым землякам, пасадзілі кветкі. 

Многія бібліятэкары займаліся добраўпарадкаваннем тэрыторыі сельсавета сумесна з мясцовымі выканаўчымі камітэтамі.

Акцыя "Помнім! Шануем! Аберагаем!” працягваецца да 9 мая.