Святочны мітынг у Карабах і Дзеркаўшчыне
1 ліпеня, напярэдадні святкавання Дня Незалежнасці Беларусі, у вёсцы Карабы-2 ля помніка загінуўшым 47 жыхарам сельсавета, абыўся мітынг памяці “Наш абавязак помніць".
Са словамі віншавання да жыхароў аграгарадка і вучняў мясцовай школы звярнуўся старшыня Карабоўскага сельскага выканаўчага камітэта Я.К.Татун . З літаратурна-музычнай кампазіцыяй выступілі школьнікі.
У час мітынга прысутныя ўшанавалі хвілінай маўчання загінуўшых у гады Вялікай Айчыннай вайны землякоў і ўсклалі кветкі да стэлы.
2 ліпеня да Дня Незалежнасці Дзеркаўшчынская бібліятэка сумесна з мясцовым ЦК правялі мітынг “Беларусь – краіна міру і дабра”.
Каля помніка сабраліся мясцовыя жыхары. Вядучая расказала на колькі важна мір на зямлі, як трэба яго цаніць і берагчы. Якой дарагой цаной заваявалі яго нашы продкі. На працягу мітынга гучалі песні і чыталіся вершы пра Беларусь і мір. Завяршылася мерапрыемства ўскладаннем кветак да помніка загінуўшым землякам у гады Вяликай Айчыннай вайны.
- 364
