1 кастрычніка работнікі культуры Ломашаўскага сельсавета правялі акцыю-віншаванне "В природе -- золотая осень, а в жизни -- возраст золотой".

У яе рамках адбыліся міні-марафон скандынаўскай хадзьбы "Маршрут здоровья -- шаг к долголетию" і святочны агеньчык "Мудрости свет". Удзельнікамі былі жанчыны "сярэбранага" і "залатога" узросту. 

 Кіраўніком і інструктарам міні-марафона выступіў  Рыгор Сцяпанавіч Скрабатун, настаўнік фізічнай культуры мясцовай школы. Ён расказаў пра гісторыю ўзнікнення скандынаўскай хадзьбы і яе карысць для здароўя. Міні-марафон пачаўся размінкай з рознымі практыкаваннямі і майстар-класам ад Рыгора Сцяпанавіча.

Міні-марафон даўжынёй 422 метры праходзіў у мясцоваму парку. Усе ўдзельнікі дастойна (і не па аднаму разу!) прайшлі дыстанцыю.

Дарэчы, сярод іх былі Фаціна Фёдараўна Лаўрыновіч і Рэгіна Юзафаўна Гаўрыльчык, якія маюць паважаны ўзрост -- амаль 90 год!  

Марафон закончыўся агеньчыкам "Мудрости свет". Работнікі бібліятэкі і цэнтра культуры падрыхтавалі конкурсы і віктарыны, танцы і песні, прысмакі і гарбату, што стварыла святочны настрой у прысутных. Весела праходзілі конкурсы частушак, танчылі вальсы і факстроты, полькі і кадрылі.

 Алена Сцяпанаўна Барысёнак, Лілія Мікалаеўна Касабуцкая, Людміла Іванаўна Казачонак, Галіна Леанідаўна Базылюк, Вера Васільеўна Турло і Марыя Філіпаўна Бурда ўсё жыццё былі і застаюцца ў цэнтры культурнага жыцця вёскі, маюць актыўную грамадзянскую пазіцыю і ўпэўнены, што чалавек у розным узросце павінен быць бадзёрым і пазітыўным!

Бібліятэкар зрабіла агляд літаратуры па здароваму ладу жыцця, распавяла пра фіта-чаі і ў якасці падарунка прэзентавала прысутным наборы смачнай гарбаты.

Музычныя паўзы стваралі камфортную атмасферу...

Работнікі культуры ўпэўнены, што пачатак восені для паважаных жанчын адбыўся радасным і светлым, і зімовы перыяд яны правядуць з цікавасцю ў сценах бібліятэкі і Ломашаўскага цэнтра культуры! 

Спасібёнак М.В., бібліятэкар Ломашаўскай сельскай бібліятэкі.