Бібліятэкары Падсвільскай гарпасялковай бібліятэкі лічаць адной са сваіх задач -- патрыятычнае выхаванне падрастаючага пакалення, знаёмства падлеткаў з гісторыяй і культурай роднага падсвільскага краю. Адна з эфектыўных форм -- сустрэчы з аматарамі літаратурнай творчасці,  краязнаўцамі, творчымі людзьмі.

На краязнаўчую гадзіну "Нематэрыяльныя каштоўнасці Глыбоцкага краю"  бібліятэкары запрасілі Алу Альфрэдаўну Арцімовіч, майстра клуба народных майстроў "Крыніца", носьбіта інсітнага мастацтва з  суседняй вёскі Галубічы.

Алла Альфрэдаўна ўжо была госцяй бібліятэкі, знаёміла наведвальнікаў са сваімі работамі.  Яна -- пастаянны ўдзельнік раённых і абласных творчых выстаў і адзіная ў раёне, хто стварае скульптурныя работы ў інсітным стыле. Адметнасць гэтага мастацтва ў тым, што творцы, як правіла, не маюць прафесійнай адукацыі і працуюць у адпаведнасці з уласным разуменнем прыгажосці і патрэбай самавыяўлення.

Работы Аллы Альфрэдаўны ўвайшлі ў спіс "Нематэрыяльных каштоўнасцей Глыбоцкага краю". 

Сустрэча з таленавітай зямлячкай дала вучням разуменне таго, што талент і жаданне ствараць часам кардынальна мяняюць жыццё і светаўспрыманне чалавека, паказваюць маляўнічасць і казачнасць свету...

Яцкоўская С.П., заг. Падсвільскай гарпасялковай бібліятэкі.