У Падсвільскай гарпасялковай бібліятэцы адбылася сустрэча і адкрыццё выставы Алы Арцімовіч.

Ураджэнка Галубіч, Ала Альфрэдаўна працяглы час жыла ў в. Верхняе, а ў 2014 г. вярнулася на малую радзіму. У асобе Аллы Альфрэдаўны спалучыліся майстар-кветкавод-дэкаратар, аграном і скульптар. 

Незвычайную для жанчыны творчую дзейнасць — выраб гіпсавых фігур, пачала ў 2006 годзе. Па часопісах,  самастойна і старанна, вывучала тэхналогію стварэння скульптуры, ляпіла, эксперыментавала, тварыла...

На Глыбоччыне Ала Альфрэдаўна адзіны майстар, які стварае скульптуры з такога нялёгкага матэрыяла як гіпс і займаецца гэтым ўжо больш за 15 год. 

За гэты час яна ўдзельнічала ў раённых і абласных творчых выставах. Яе работы высока ацанілі на V нацыянальнай выставе наіўнага мастацтва “INSITA - 2016”, якая праходзіла ў рамках “Славянскага базара”.

Інсітнае (наіўнае) мастацтва – гэта накірункак у галіне выяўленчага мастацтва, які характарызуецца наіўна-рэалістычным адлюстраваннем рэчаіснасці з выкарыстаннем вобразных сродкаў, адметных ад акадэмічных.

Але самай значнай стала падзея 2020 года  — аб прыняцці Міністэрствам культуры Рэспублікі Беларусь рашэння аб унясенні інсітнага мастацтва Віцебшчыны ў спіс нематэрыальных гісторыка-культурных каштоўнасцей нашай краіны. 

Такім чынам — скульптурнае мастацтва нашай зямлячкі  Алы Альфрэдаўны ў стыле “інсіта” адносіцца да нематэрыяльнай каштоўнасццю Беларусі!

Жадаем Але Альфрэдаўне моцнага здароўя, новага творчага палёту, увасаблення новых ідэй, новых выстаў і высокіх узнагарод за такую нялёгкую і незвычайную творчасць!

2021, 27 жніўня, Яцкоўская С.П., заг. Падсвільскай гарпасялковай бібліятэкі