3 сакавіка 2023 г. у файе Глыбоцкай цэнтральнай  раённай бібліятэкі прайшло адкрыццё выставы работ  Алесі Маёравай  па назвай  “Папяровы калейдаскоп”. Назва гаворыць сама за сябе. Усе работы зроблены з паперы.

Як сапраўдныя выглядаюць гваздзікі, герберыі, розы, півоны, касачы. Здаецца, мы чуем іх пах і хочацца пакратаць кветкі  рукамі. А кошыкі, вазы  зробленыя як з лазы. І не падумаеш, што гэта з трубачак паперы.  Сапраўднае папяровае мастацтва!

А наколькі гэта крапатлівая праца,  паказаў  майстар-клас, які правяла  Алеся Маёрава. Жадаючыя спрабавалі  сябе ў скручванні трубачак, вырабе лісточкаў і дзьмухаўцоў.

Творчасцю  Алеся Уладзіміраўна пачала займацца са школьных гадоў, калі на ўроках працы вучылі шыць, вязаць. Спрабавала сябе ў бісерапляценні, вышыўцы, стварэнні лялек. Вырабамі з паперы захапілася тры гады таму і гэта яе вельмі зацягнула. Пачынала з простай паперы, потым пераключылася на гафрыраваную, ствараючы разнастайныя, яркія кветкі. А каб сабраць кветкі ў букеты - з'явілася жаданне плесці вазы, кошыкі. Самы даступны матэрыял - газеты, якія далі магчымасць ўвасобіць сваю фантазію і ўменні.

Гэта першая выстава Алесі  Маёравай. Адзінкавыя работы выстаўляліся на выставах работ майстроў раёна ў гарадскім цэнтры традыцыйнай культуры і народнай творчасці.

Пазнаёміца з работамі Алесі Маёравай і выказаць ёй  пачуцці ад убачанага можна  ў Іnstagram  .

Але лепш наведайце рэальную выставу, якая адкрылася напярэдадні Міжнароднага жаночага свята,  упрыгожыла бібліятэку і стварае сапраўдны вясенні настрой наведвальнікам установы!

6.03