З 18 кастрычніка ў файе цэнтральнай раённай бібліятэкі пачала дзейнічаць выстава работ  Логвін  Валянціны Міхайлаўны “Свет фантазіі і творчасці”.Валянціна Міхайлаўна працуе ў Глыбоцкім доме рамёстваў метадыстам па вышыўцы і карункапляценні.

  На выставе прадстаўлена 8 вырабаў лапікавага шыцця. Тут можна ўбачыць пано, пакрывалы, коўдры. Гэтай тэхнікай майстар займаецца даўно. Прымала ўдзел у розных абласных выставах, конкурсах, дзе атрымлівала ўзнагароды. Так, у 2022 годзе ўзнагароджана дыпломам  І ступені абласной выставы-конкурсу майстроў лапікавага шыцця "Вішнёвая мазаіка" ў рамках Міжнароднага свята "Вішнёвы фестываль" у намінацыі "Арт-квілт".

  Запрашаем наведаць выставу!