Кветкі - колер - настрой - характар. Такі ланцужок ствараюць мастацкія работы мінскай мастачкі Святланы Матвеенкі.

Гараскоп раскажа пра ваш характар? Гэта банальна. Вызначце яго праз карціны!, - да гэтага заклікаюць супрацоўнікі Падсвільскай гарпасялковай бібліятэкі. Так-так, менавіта карціны вызначаць ваш характар і, пры неабходнасці, зарыентуюць вас на пазітыўны настрой. 

Наведвальнікі бібліятэкі з пачатку лета маюць магчымасць пазнаёміцца з выставай работ Святланы Матвіеенкі “Какой у вас характер?”

Добра вядомыя жанчынам кветкі, прадстаўленыя мастачкай,  асацыіруюцца ў аўтара з настроем чалавека, яго характарам, стылем жыцця: “Містыка. Рудбекія”, “Бадзерасць. Цюльпан”.  Адны творы зразумелыя, пазнавальныя, іншыя - загадкавыя, таямнічыя... Але кожная прымушае гледача спыніцца і зверыць свае ўласныя адчуванні і ўяўленні з поглядам мастака.

Хоць экспазіцыя мае філасофскі характар, прымушае да разважанняў, але, у той жа час, работы лёгкія  і зразумелыя, ствараюць пазітыўны настрой!

Запрашаем падсвільчан вызначыць свой характар!

Яцкоўская С., загадчык Падсвільскай гарапасялковай бібліятэкі.  06.06.2019