26 лістапада наша краіна  адзначае адзначае 90-годдзе з дня нараджэння Уладзіміра Караткевіча,   Божай міласцю паэта, празаіка, эсэіста, драматурга, чалавека энцыклапедычных ведаў і нястомнай працавітасці. Любая літаратура можа ганарыцца, калі мае свайго Уладзіміра Караткевіча. Без усякага пафасу можна сказаць, што яго жыццё – гэта ўзор служэння радзіме, народу, мове. Ён — гонар і сумленне беларускай нацыі. Найвялікшая каштоўнасць усяго, што напісаў геніяльны пісьменнік, заключаецца ў тым, што яго творы выхоўваюць патрыятычныя пачуцці, вучаць лепш разумець наша мінулае і сучаснае.

         Уладзімір Караткевіч – гэта чалавечая планета. Пра яго хочацца распавядаць нашым дзецям. З яго хочацца браць прыклад.

Караткевіч - адна з найбольш вядомых постацей у беларускай літаратуры другой паловы XX ст. Першы беларускі пісьменнік, які звярнуўся да жанру гістарычнага дэтэктыву.

З нагоды юбілею пісьменніка ў Глыбоцкай дзіцячай бібліятэцы падрыхтавана выстава-гутарка пад назвай “Вядомы майстр гістарычнай прозы”. Для вучняў  сярэдняга і старэйшага школьнага ўзросту прапанавана літаратура пра старонкі жыцця  і творчасці Караткевіча, “Фотагалерэя”, дзе змешчаны цікавыя фотаздымкі пісьменніка. 

 На выставе можна не толькі пагартаць сторонкі твораў розных выданняў, але і пачытаць радкі ёмкіх і мудрых выказванняў Уладзіміра Караткевіча.

       Бібліятэкар Трапук М.Г.