25 лютага адбылася значная  падзея для нашай краіны -- выбары прадстаўнікоў у Нацыянальны сход Рэспублікі Беларусь і мясцовыя Саветы дэпутатаў.

Стварыць святочны настрой на выбарчым участку №14 Глыбоцкага раёна дапамагло дзіцячае аб'яднанне "Акварэль", якое дзейнічае пры  Карабоўскай сельскай бібліятэцы-клубе.  Удзельнікі "Акварэлі" далі 40-хвілінны тэматычны канцэрт “Беларусь — мая песня".

У рэпертуары — песні патрыятычнага зместу "Мой край", "Родны бусел", "Мая Радзіма", "Беларусь — мая песня" і іншыя, гучалі вершы пра Беларусь і Глыбоччыну.

Канцэрт можна лічыць справаздачным для аб'яднання, якое працуе трэці год пад кіраўніцтвам Ганны Антонаўны Чырвонай.

Мясцовыя жыхары, якія прыйшлі на выбарчы ўчастак, гучнымі апладысментамі сустракалі выступленні юных артыстаў.