Пасля летніх канікулаў клуб “Сучаснік” (гэтае аб’яднанне для падлеткаў дзейнічае пры цэнтры прававой інфармацыі Глыбоцкай цэнтральнай раённай бібліятэкі) зноў ладзіў сустрэчу, прымеркаваную да Дня народнага адзінства.
Традыцыйны пачатак – знамёмства з бібліятэкай (для тых, хто упершыню). Удзельнікі клуба – навучэнцы Глыбоцкага дзяржаўнага каледжа – разам з кіраўніком Тамарай Вырвіч пабывалі ў дзіцячай бібліятэцы, на абанеменце і ў чытальнай зале дарослай бібліятэкі, у цэнтры прававой інфармацыі.
Сустрэчу прадоўжылі ў актавай зале мерапрыемствам “Мы ганарымся сваёй краінай”, якое завяршылі віктарынай “Зялёны лісток на планеце Зямля”. Цікаўнасць да роднай гісторыі – відавочная! Актыўны ўдзел навучэнцаў таму пацвярджэнне.

Аддзел абслугоўвання і інфармацыі Глыбоцкай ЦРБ.