20 верасня прайшоў тэматычны семінар “Сельская бібліятэка: новы вобраз, новыя прыярытэты” на базе Ломашаўскай сельскай бібліятэкі. Запрашаліся супрацоўнікі бібліятэк ДУК “Глыбоцкая ЦБС”.

Як заўсёды, у пачатку семінара яго ўдзельнікі візуальна пазнаёміліся з Ломашаўскай бібліятэкай, цікава аформленымі выставамі, паліцамі, куткамі. Затым дырэктар бібліятэчнай сістэмы Спасібёнак В.Ц. прадставіла маладых работнікаў – бібліятэкара Удзелаўскай сельскай бібліятэкі Шымко Алесю і метадыста аддзела бібліятэчнага маркетынгу Аліноўскую Юлю, павіншавалі з Днём нараджэння бібліятэкара Празарокскай сельскай бібліятэкі Бурэнь Валянціну Іосіфаўну. Усе яны атрымалі кветкі і добрыя пажаданні.

Прадоўжыўся семінар статыстычнай даведкай “Сучасны стан сельскіх бібліятэк ДУК “Глыбоцкая ЦБС”, якую падрыхтавала Спасібёнак В.Ц. З кансультацыі “Новыя падыходы да работы сельскай бібліятэкі на сучасным этапе”, распрацаванай загадчыкам аддзела бібліятэчнага маркетынгу Татарчук А.М., бібліятэкары даведаліся пра мэты, задачы і функцыя, якія павінны выконваюць сельскія бібліятэкі на сучасным этапе. У адкрытай трыбуне “Ёсць чым падзяліцца” прыняла ўдзел бібліятэкар Празарокскай сельскай бібліятэкі Бурэнь В.І. Яна расказала пра асаблівасці сваёй работы, адзначыла важнасць рэкламы не толькі ва ўдзеле ў значымых мерапрыемствах сваёй мясцовасці, але ў сацыяльных сетках. Бібліятэкар Ломашаўскай бібліятэкі Спасібёнак М.В. больш падрабязна асвяціла сваю работу, расказала пра абслугоўвання жыхароў аддаленых вёсак.

 Завяршыўся семінар мерапрыемствам – бібліяднём “Мы рады вас вітать, дарагія нашы сябры!”, які падрыхтавалі супрацоўнікі Ломашаўскага цэнтра культуры і прыўрочылі яго да Дня бібліятэк Беларусі.

Татарчук А.М., загадчык АБМ