22 красавіка ва ўсім свеце адзначаецца Дзень Зямлі. Ён праводзіцца з мэтай аб’яднаць усіх людзей планеты для абароны навакольнага асяроддзя.

З нагоды гэтай даты ў Глыбоцкай дзіцячай бібліятэцы прайшло пасяджэнне клуба “Юны эколаг”. Для ўдзельнікаў клуба праведзена гадзіна экалагічнай пісьменнасці “Земля у нас одна, другой не будет никогда”.

Рэпартажныя матэрыялы коратка і лаканічна падымалі праблемы нашай планеты. Рэпартаж “Плач Земли” асвятліў экалагічныя праблемы сучаснага свету. А рэпартаж “Войди в природу другом” нагадваў правілы паводзін на прыродзе.

Праблемы смецця і забружанага ім наваколля - тэма рэпартажа “Борьба с монстром”. Дзеці пазнавалі па апісанню розныя віды смецця і вучыліся правільна яго сарціраваць.

У час мерапрыемства гучалі розныя кліпы, песні аб беражлівых адносінах да прыроды.

Напрыканцы заняткаў, для дзяцей было падрыхтавана заданне: кожны адказваў, якія справы ён канкрэтна будзе рабіць, каб наша асяроддзе, наш горад былі чыстымі і бяспечнымі, каб расці сапраўднымі патрыётамі сваёй радзімы.

Мерапрыемства было праведзена ў рамках мэтавай экалагічнай праграмы “Экалагічная акадэмія”.

Адказная Трапук М. Г.