Штогод 3 сакавіка ва ўсім свеце адзначаецца Сусветны дзень пісьменніка. Гэта прафесійнае свята ўсіх літаратараў.

Гэтае свята было заснавана на 48-м кангрэсе ПЭН-клуба, які праходзіў з 12 па 18 студзеня 1986 года. ПЭН-клуб з'яўляецца міжнародным аб'яднаннем пісьменнікаў, якое было створана ў 1921 годзе ў Лондане. Ініцыятарамі стварэння такой арганізацыі сталі англійскія пісьменнікі Джон Галсуорсі і Кэтрын Эмі Доўсан-Скот. Назва клуба ўтварылася ад першых літар англійскіх слоў Poets – паэты, Essayists – нарысісты і Novelists – раманісты. Сімвалічна, што абрэвіятура гэтай арганізацыі супадае з ангельскім словам "pen" – ручка.

Першы кангрэс міжнароднага ПЭН-клуба адбыўся ў 1923 годзе ў Лондане. На той момант ПЭН-цэнтры былі створаны ўжо ў адзінаццаці краінах свету. У цяперашні час падобныя цэнтры існуюць у больш за сто краінах свету.

Пісьменнік – незвычайная прафесія. Не многія могуць сказаць, што яны асабіста знаёмыя з пісьменнікам, але пры гэтым кожны з нас увесь час сутыкаецца з вынікамі іх працы.

А сёння з нагоды гэтае святочнае даты мы вам прапануем пачытаць вершы нашага паэта Алеся Жыгунова, якія былі надрукаваны ў першым нумары часопіса "Полымя" за 2023 год.