Некалькі важных дат  адзначаюць у кастрычніку жыхары нашай краіны. Сярод іх  – Дзень маці і Дзень бацькі. Тыдзень паміж гэтымі святамі у краіне назвалі тыднем бацькоўскай любові.

Работнікі Шунеўскай бібліятэкі таксама не засталіся ў баку ад гэтых святочных падзей. Да Дня маці прайшла акцыя “Словы добрыя матулям дарагім”.

Аднайменная  выстава прапаноўвала кнігі з вершамі і апавяданнямі , прысвечанымі самаму дарагому чалавеку – матулі. Дзеці, вучні 2-5 класаў, якія пажадалі прыняць удзел у акцыі, знаёміліся з выставай, выбіралі верш або апавяданне пра маці, бібліятэкары раздрукоўвалі яго. Дзеці ж прымацоўвалі іх да выразаных сардэчак, на адваротным баку якіх пісалі свае шчырыя і добрыя словы, адрасаваныя маці. Зробленае сваімі рукамі “сардэчка” яны дарылі сваім мамам.

А да Дня бацькі працавала выстава “Курс маладога бацькі”. Яна змяшчала кнігі пра адносіны ў сям’і, ролю бацькі ў выхаванні дзяцей, розныя прапановы і падказкі, як выходзіць з няпростых сітуацый ў адносінах бацькоў і дзяцей. А юным чытачам можна было зрабіць фота ў фотазоне “Я люблю папу” і прачытаць выказванні розных пісьменнікаў пра бацьку, якія былі размешчаны ў выглядзе аб’яў. Іх можна было не толькі прачытаць, але і адарваць і забраць да дому.   

       Заг.бібліятэкі Нікіфаровіч І.Ф.