Абласная акцыя «Віцебскі слоўнік» завершана
Хай даруюць нам нашы калегі з абласной бібліятэкі, але мы перадрукоўвем тэкст з іх старонкі
"Падышла да завяршэння акцыя Віцебскай абласной бібліятэкі імя У.І. Леніна, якая праводзілася сумесна з бібліятэкамі рэгіёна да Міжнароднага дня роднай мовы. Яна праходзіла на працягу тыдня з 19 па 25 лютага на спецыяльна створанай старонцы ў Instagram @vitsebski_slounik.
Па ўмовах акцыі ад кожнай раённай бібліятэкі было даслана адно або некалькі слоў, тэматычна праілюстраваных і аформленых у выглядзе малюнка. Выбраныя словы, акрамя таго, што адлюстроўваюць багацце і напеўнасць беларускай мовы, маюць асацыятыўную сувязь з канкрэтнай мясцовасцю, з’яўляюцца словамі-брэндамі, што яе характарызуюць.
У апісанні да ілюстрацый даецца тлумачэнне слоў, а цытаты з твораў беларускай літаратуры, прыказкі, легенды і паданні, што іх утрымліваюць, падкрэсліваюць прыгажосць нашай мовы.
Падчас акцыі праілюстраваныя словы размяшчаліся і на старонках бібліятэк вобласці ў сетцы Instagram з хэштэгам #віцебскіслоўнік, такіх упамінанняў у выніку налічылася каля сотні.
Ад сябе дабавім: два словы, прапанаваныя супрацоўнікамі Глыбоцкай раённай бібліятэкі - "маляванка "і "пячора", увайшлі ў слоўнік!
Шчырае дзякуй калегам з Віцебскай абласной бібліятэкі за такую цікавую акцыю!
- 271
