У Дзень роднай мовы   ў Падсвільскай гарпасялковай бібліятэцы сабраліся актыўныя чытачы і прыхільнікі беларускай мовы. Гучалі вершы, байкі ў выкананні чытачоў на роднай мове,  а мясцовыя паэты Людміла Баброўская, Таіса Роліч, Зоя Наваенка чыталі свае творы. Таксама гасцям свята давялося  паўдзельнічаць у віктарынах, адгадаць загадкі, зрабіць пераклад  слоў з рускай мовы на беларускую.

Да мерапрыемства бібліятэкарамі была падрыхтавана прэзентацыя на песню “Кашуля-вышыванка”. Песню пранікнёна і душэўна выканала Людміла Рудак.

У рамках мерапрыемства было прапанавана літаратурнае дасье “Матчына вышыванка” і выстава-партрэт “Пад сузор’ем аблачын”да юбілею нашага земляка Алеся Жыгунова. Пазнаёмілі прысутных з творчасцю паэта, паслухалі яго вершы.

Не толькі беларускае слова гучала на свяце. Задорна і па-заліхвацку выканалі беларускія мелодыі баяністы Савуліч Мікалай Фёдаравіч і Бурэнь Уладзімір Уладзіміравіч.

У канцы свята госці доўга не маглі развітацца, таму што на развітанне музыкі-гарманісты “ўрэзалі” польку. Ногі самі  ў пусціліся ў скокі.

                                                                            27.02.2019   Аўласевіч Н.К.