У Празароцкай сельскай бібліятэцы вучні прымалі ўдзел ва ўроку памяці “Маршрутамі мужнасці”, прыўрочаным да 70-годдзя Вялікай Перамогі.

Старшакласнікі пасля святочнага мітынгу ля помніка землякам, загінуўшым у часы Вялікай Айчыннай вайны, прыйшлі ў бібліятэку.  На ўроку мужнасці ішла гутарка пра падзеі Вялікай Айчыннай вайны, пра воінаў-землякоў, якія не вярнуліся з фронту. Вучні чыталі вершы пра вайну, пра тых, хто ахвяруючы сваім жыццём, здабываў перамогу. Напрыканцы мерапрыемства адбылася прэзентацыя выставы “Хроніка Вялікай Айчыннай”.

Закончыўся ўрок памяці наведваннем Францішкі Іосіфаўны Ярмош, малалетняга вязня Вялікай Айчыннай вайны, якая пражывае ў бальніцы сястрынскага дагляду. Вучні павіншавалі жанчыну са святам,уручылі ёй кветкі і віншавальную паштоўку.