З пачатку лютага ў Глыбоцкай дзіцячай бібліятэцы дзейнічае выстава “Зорны вяночак беларускіх пісьменнікаў”, прысвечаная пісьменнікам-юбілярам.

На ёй прадстаўлены кнігі Р. Барадуліна, В. Зуёнка, А. Клышкі, якім сёлета спаўняецца  90 год з дня нараджэння, У. Ліпскага (85 год), А. Зэкава (70 год) і Л. Рублеўскай (60 год). Побач з кнігамі юбіляраў змешчаны партрэты і біяграфіі літаратараў.

З зацікаўленымі наведвальнікамі бібліятэкары правозяць бліц-віктарыну “Знаўцы беларускіх пісьменнікаў”. Удзельнікі на пытанні адказваюць хутка і ўпэўнена, паказваюць добрыя веды па творах пісьменнікаў-юбіляраў! З кожным чытачом бібліятэкар праводзіць індывідуальную гутарку-агляд кніг.

Малодшыя школьнікі з задавальненнем прымаюць удзел у гучным чытанні кнігі  Л.Рублеўскай “Прыгоды мышкі Пік-Пік” і раскрываюць свае артыстычныя здольнасці!

Выстава выклікае зацікаўленасць юных чытачоў, знаёміць іх з найбольш цікавымі творамі  беларускіх класікаў літаратуры, пашырае кругагляд школьнікаў. 

Бібліятэкар  Багацкая М.В.