Прыгоды памаўзлівай Рыскі ў Падсвільскай дзіцячай бібліятэцы
15 чэрвеня 2018 г. споўнілася 70 гадоўАнатолюБутэвічу. Вядомы пісьменнік і краязнаўца, ужо на працягу двух дзесяцігоддзяў літаратурнай дзейнасці стварае творы для дзяцей.
З нагоды юбілею пісьменніка бібліятэкар Падсвільская дзіцячай бібліятэкі правяла гучнае чытанне вядомай казкі Анатоля Бутэвіча "Прыгоды памаўзлівай Рыскі" з выхаванцамі дзіцячага садка.
У казцы ў займальнай форме расказваецца пра незвычайныя прыгоды маленькага кацяняці, якое падрасло стала дужай і прыгожай коткай. Рыска была вельмі гарэзлівай, памаўзлівай і цікаўнай. З-за гэтай цікаўнасці яна часта трапляе ў самыя неверагодныя і смешныя сітуацыі, якія часам з’яўляюцца нават небяспечнымі для жыцця.
Разам з коткай выхаванцы дзіцячага садка вельмі эмацыянальна перажывалі самыя неверагодныя яе прыгоды і шчыра сумавалі аб трагічным канцы яе жыцця...
Напрыканцы, дзеткі даведаліся аб тым, што трохкаляровых котак вельмі часта ў Беларусі называюць Рыскамі, распавялі пра сваіх пухнатых сяброў, іх мянушках і намалявалі сваіх выхаванцаў.
28.06.2018, заг. Падсвільскай дзіцячай бібліятэкі Каляга А.У.
- 1125
