Восень нездарма называюць “багатай” і “шчодрай”. Яна прыносіць добры ўраджай пладоў у садах і агародах. А яшчэ восень даруе шмат цікавага матэрыялу і ідэй для творчасці.

Прапанова супрацоўнікаў  Падсвільскай гарпасялковай бібліятэкі стварыць ружы з кляновых лісцяў  сабрала зацікаўленых на творчую майстэрню “Падарункі восені”.

Для работы было патрэбна кляновае лісце, за якім бібліятэкары сумесна з ўдзельніцам жаночага клуба “Сяброўкі” адправіліся ў суседні парк. Жоўта-барвовае лісце, сонечнае надвор’е, блакітнае неба і чыстае паветра падарылі пазітыўны настрой, бадзёрасць і жаданне ствараць прыгажосць. 

Далейшы майстра-клас  па вырабу букета руж з кляновага лісця адбыўся ў чытальнай зале бібліятэкі.  Ружы з кляновага лісця – прыгожы і цікавы выраб, які ўпрыгожыць інтэр’ер любога пакою. Такі восеньскі букет цёплымі яркімі фарбамі будзе дарыць добры настройна на працягу халоднай зімы.

Сяброўкам бібліятэкі спадабалася ствараць такую прыгажосць. Кожная з іх вярталася дадому з букецікам ружачак, зробленых уласнымі рукамі. А восень? Восень цудоўная пара года і прыемны час жыцця, калі да яе ставіцца пазітыўна...

Аўласевіч Н.К., бібліятэкар Падсвільскай гарпасялковай бібліятэкі.