З дзіва-нітак, не рукамі – сэрцам, вышыла дзяўчына хараство,
Хто ні гляне – ласкава ўсміхнецца і прыўзніме ласкава брыво…

Радасную ўсмешку і захапленне выклікае выстава "Жывая крыніца творчасці", якая пастаянна дзейнічае ў Ломашаўскай сельскай бібліятэцы. Жыццярадасныя па характару, сакавітыя па фарбах, розныя па тэмах і тэхніцы выканання, прадстаўленыя на ёй вырабы зачароўваюць сваей прыгажосцю. Работы на выставе пастаянна змяняюцца, што дае магчымасць майстрыхам з Ломашаў паказаць аднавяскоўцам сваё ўменне.

"Краіна вышыванага хараства" - так называлася выстава вышываных карцін Фядзьковіч Ірыны Іванаўны, дырэктара Ломашаўскай СШ-сада.

"Фантазія, натхненне" Піскуновіч Юліі Васільеўны прываблівала наведвальнікаў незвычайнымі вырабамі з цеста, вязанымі цацкамі. 

Дар’я Мікалаеўна Вайцяховіч, выхавацель Ломашаўскай СШ-сада зачароўвае вырабамі на выставе "Таямніцы

 бісера". Нездарма яе вучаніцамі становяцца дзяўчынкі, якія ў сваім юным узросце ўпэўнены, што казка заўсёды стане рэальнасцю…