Фальклорная гадзіна “Вясновыя святы нашых продкаў”
21 красавіка ў памяшканні Карабоўскай школы ўдзельнікі аб'яднання "Акварэль" разам з вучнямі пачатковых класаў правялі фальклорную гадзіну “Вясновыя святы нашых продкаў”.Вядучая мерапрыемства расказала школьнікам пра вясновыя святы, калі яны святкуюцца і з якой нагоды. Больш падрабязна яна затрымалася на свяце “Вялікдзень”. Дзеці даведаліся пра глыбокі сімвалізм велікодных звычаяў, чаму яйкі афарбоўваюцца ў яркія колеры, а кулічы становяцца сімваламі дабрабыту і дастатку.
Асаблівую цікавасць выклікалі старадаўнія велікодныя гульні і забавы. Дзеці не толькі ўважліва слухалі, але і актыўна адказвалі на пытанні, а затым прынялі ўдзел у тых самых велікодных вясковых гульнях.
Дзеці з захапленнем уяўлялі, як іх прабабулі і прадзеды каталі яйкі па спецыяльных жалабках, змагаліся ў "біццё яек" і вадзілі карагоды пад мелодыі вясновых песень. Сустрэча праходзіла ў форме жывога дыялогу і вяртанне да "рэальных" гульняў выклікала сапраўдную цікавасць у дзяцей!
Напрацягу мерапрыемства кожны вучань меў магчымасць падзяліцца сваімі ведамі аб свяце і велікоднымі сямейнымі традыцыямі.
Прыйшоў праз смутак і малітвы
У ззянні славы дзень Вялікі
І вестку добрую прынёс:
Хрыстос, Сын Божы, уваскрос!
І вестку добрую прынёс:
Хрыстос, Сын Божы, уваскрос!
А чым аддзячым Іісусу,
Які адверг усе спакусы,
З крыжом пайшоў сваім шляхом,
Каб нас пазбавіць ад грахоў?
Які адверг усе спакусы,
З крыжом пайшоў сваім шляхом,
Каб нас пазбавіць ад грахоў?
Малітвай, добрай справай, словам
Душа пазбудзецца аковаў,
Каб годнай быць Хрыста ахвяр,
Каб не зняславіць Божы дар.
І радасць, светлая такая,
Палоніць душы, уздымае,
Здаецца, нават да нябёс:
Хрыстос, Сын Божы, уваскрос!
Галіна Бабарыка. Верш "Вялікдзень"
са зборніка "Дарога ў восень"
Палоніць душы, уздымае,
Здаецца, нават да нябёс:
Хрыстос, Сын Божы, уваскрос!
Галіна Бабарыка. Верш "Вялікдзень"
са зборніка "Дарога ў восень"
Заг. Карабоўскай сельскай бібліятэкі-клуб Л.Ф.Спалівіс
- 176
