Сонца віталі, вясну заклікалі, бліны частавалі і ў гульні гулялі вучні Залескай базавай школы. 

"Масленку шчырую, зычную і шчодрую" для дзетак арганізавалі супрацоўнікі Запрудскага Дома фальклору і Запрудскай сельскай бібліятэкі.

Вядучыя -- бібліятэкар Ганна Рыгораўна Гаравая  і культработнік Ірына Алегаўна Альхімовіч  з жартамі і прымаўкамі расказалі пра Масленіцу, провады зімы і сустрэчу вясны. Дзеці актыўна ўдзельнічалі ў конкурсах, гульнях і карагодах, палілі пудзіла і елі смачныя бліны, без якіх не абыходзіцца гэтае свята!

Святкаванне Масленіцы даўно стала традыцыяй і супрацоўнікі культуры ўпэўнены ў тым, што веданне народнай спадчыны з'яўляецца яскравай старонкай ў жыцці дзяцей і дарослых аднавяскоўцаў.