Шунеўская сельская бібліятэка 26 лютага запрасіла сваіх чытачоў на цешчыны вячоркі “Бліны выпякаем – вясну зазываем!”

Гаспадыні прыгатавалі бліны па сваіх фірменных рацэптах і прынеслі ў бібліятэку. Бліны з варэннем, тварагом, яблыкамі, капустай – гэта толькі невялікі пералік таго, што знаходзілася на стале.

За кубачкам гарбаты госці дзяліліся сваімі рэцэптамі бліноў, расказвалі, як у іх сем’ях святкуюць Масленіцу. Бібліятэкары пазнаемілі карыстальнікаў бібліятэкі з гісторыяй свята, з народнымі традыцыямі  і абрадамі беларусаў у гэты тыдзень.

Не абышлося і без гумарыстычных момантаў: “Алена Малышава” знаеміла з тым, колькі можна ўжываць бліноў за раз, з гісторыяй узнікнення такой стравы, з тым, якія бліны выпякаюць у іншых краінах свету.

“Дзед і баба”, якія быццам выпадкова трапілі ў бібліятэку, пагулялі з гасцямі ў “фанты”, “Мажор” дэгусціраваў бліны, прыгатаваныя з завязанымі вачыма, госці спаборнічалі ў песенным конкурсе, адгадвалі загадкі, ставілі казку пра бліны.

Па просьбе усіх прысутных у выкананні Алы Шыкуць прагучала некалькі песень.

На заканчэнне сустрэчы бібліятэкары падаравалі гасцям брашуру, якую самі падрыхтавалі. У ёй можна знайсці шмат рэцэптаў бліноў як традыцыйных беларускіх, так і замежных, віды начынак і спосабы іх прыгатавання.

                       Заг. бібліятэкі І. Нікіфаровіч