Калядныя вячоркі “Прыйшла калядная шчадруха" у Карабах
Зараз ідзе пара калядных святаў і Каляд. Гэтыя дні здаўна былі самымі доўгачаканымі і светлымі. Лічылася, што тое, што адбываецца ў гэтую пару, дорыць нам надзею на цуд, напаўняе сэрца радасцю і любоўю.
12 студзеня ўдзельнікі аб'яднання “Акварэль”, якое дзейнічае пры Карабоўскай сельскай бібліятэцы-клубе, правялі ў мясцовай школе калядныя вячоркі “Прыйшла калядная шчадруха”. Тым самым пазнаёмілі школьнікаў са старадаўнімі беларускімі традыцыямі.Дзеці-«калядоўшчыкі» пачалі вячоркі з песні-калядкі, потым чыталі вершы і пажаданкі, а затым запрасілі дзецей у народныя гульні і карагоды, нават варажылі.
Свята завяршылася вясёлым чаяваннем. За сталом дзеці дзяліліся ўражаннямі, а іх твары свяціліся ўсмешкамі і радасцю. Дзеці вельмі любяць прымаць удзел у падобных мерапрыемствах, якія нясуць велізарны зарад энергіі, эмацыйнага захаплення, надоўга запамінальнае ўражанне.
Заг. Карабоўскай бібліятэкі-клуба Л.Ф. Спалівіс
- 424
