На фальклорную вечарыну “Запрудскія жарты” запрасілі аднавяскоўцаў супрацоўнікі Запрудскага Дома фальклору і Запрудской сельскай бібліятэкі.

Тэатральнае прадстаўленне было прысвечана вясковаму жыццю. А чым займаюцца вяскоўцы ў зімовы перыяд? Вядома ж, жанчыны – адна адной, а мужчыны – хто чым... А сабраўшыся разам –  весяляцца, спяваюць, танчаць, гуляюць у гульні. 

Дарослым актыўна дапамагалі весяліцца дзеці: Ксенія  і Юля Пачопкі, Кірыл і Раман Барыла, Арцём Дзяменцьеў, Алег Аніська, Юля Навойчык і Віка Юрэвіч. Яны з задавальненнем наведваюць клуб і бібліятэку і актыўна ўдзельнічаюць ва ўсіх культурна-масавых мерапрыемствах.  

 Дарослыя артысты – дырэктар Дома фальклору А. Жалткевіч, бібліятэкар А. Гаравая, старшыня Залескага сельсавета Б. Заяц, І. Альхімовіч, Т. Кміта, А. Пашковіч, Т. Сталярова, І. Кухта, В. Клепік, Д. Крывёнак, А.Пятроўскі рады таму, што падрастаюць дзеткі, для якіх беларускія песні і танцы  з'яўляюцца звычайнай формай адпачынку.

 Закончылася вечарына сумеснымі танцамі артыстаў і гледачоў, бурнымі апладысментамі і добрым настроем.

Бібліятэкар Запрудскай сельскай бібліятэкі Г. Гаравая.