У суботу, на Пакроў, нашаму земляку Язэпу Драздовічу, адоранаму Богам шматлікімі талентамі – мастака, фалькларыста,, археолага, настаўніка і г.д. – спаўняецца 135 гадоў з дня нараджэння.

У актавай зале глыбоцкай бібліятэкі з гэтае нагоды і вырашылі прайсці "Шляхамі Язэпа Драздовіча".
На літаратурна-мастацкі вернісаж, праведзены сумесна супрацоўнікамі раённай цэнтральнай бібліятэкі, раённага гісторыка-этнаграфічнага музея і раённага дома рамёстваў, запрасілі падлеткаў і працоўную моладзь.
З уступным словам пра "вечнага вандроўніка" звярнулася да прысутных загадчык аддзела абслугоўвання і інфармацыі Тамара Вырвіч.
Навуковы супрацоўнік музея Дзмітрый Абрамчык захапляльна расказаў пра касмічныя мроі Язэпа Драздовіча.
Жыццёвымі яркімі замалёўкамі зацікавіла юнакоў і дзяўчат народны майстар Беларусі Святлана Скавырка, якая сваю працоўную і творчую дзейнасць звязала з драздовічаўскімі маляванкамі.
У дапаўненне – расказ прадстаўніцы дома рамёстваў пра чорна-каляроыя палотны, якія ўпрыгожылі сцены бібліятэчнай залы на час мерапрыемства, як і невялічкая кніжная экспазіцыя.
Напрыканцы – паўтарэнне засвоенага матэрыялу  – віктарына "Сцежкамі Язэпа Драздовіча", якой Тамара Вырвіч завяршыла сустрэчу з моладдзю.
Ведайце сваіх землякоў!