16 мая бібліятэкар Ломашаўскай сельскай бібліятэкі сумесна з загадчыкам Ломашаўскага цэнтра культуры арганізавалі велавандроўку “Гісторыя маёй сям’і ў гісторыі майго краю” , якую прыўрочылі да Міжнароднага дня сям’і.Удзел у велавандроўцы прынялі некалькі актыўных чытацкіх сямей і ўдзельнікі мастацкай самадзейнасці.

     Падчас велавандроўкі бібліятэкар пазнаёміла з цікавымі мясцінамі  Ломашаўскага сельскага савета, якія ўвайшлі ў “Краязнаўчую азбуку ломашаўскага краю”. Удзельнікі  велападарожжа наведалі  Двор Юзэфова, дзе колісь месцілася панская сядзіба, вёску Папялы, ля якой знаходзіцца Перуноў камень і вельмі шмат бабровых хатак.

Цікава і змястоўна прайшла экскурсія ў Свята-Мікалаеўскай царкве в.Калінавае, якую правяла  казначэй царквы Еўдакія Фамінічна Папёл.

       Нягледзячы на стомленасць, усе атрымалі зарад  станоўчых эмоцый, папоўнілі свае веды па гісторыі малой радзімы.

   Абменьваючыся ўражаннямі ад велападарожжа, прыйшлі да агульнай высновы- сумесны адпачынак гэта лепшы спосаб для ўмацавання дзіцяча-бацькоўскіх адносін.

18.05.2021                  М.В.Спасібёнак, бібліятэкар Ломашаўскай сельскай бібліятэкі

.