Да Дня малой радзімы - 18 мая, у Марцыбылінскай сельскай бібліятэцы адбылася краязнаўчая відэавандроўка "След вялікага жыцця", прысвечаная жыццёваму і творчаму шляху Язэпа Драздовіча.  

Фотаздымкі мастка, яго мастацкія касмічныя работы і маляўнічыя дываны, а яшчэ разуменне таго, што хадзіў ён і праз іх вёску,  выклікалі непадробную зацікаўленасць і хваляванне ў школьнікаў,

Эмацыянальна падзейнічаў на ўспрыманне інфармацыі і дакументальны фільм  "Зямля і неба", рэжысёра Ірыны Волах https://www.youtube.com/watch?v=Yg_hSxZvep4, у якім запісаны ўспаміны жанчын, якія сустракаліся з мастаком ў свае дзіцячыя гады. 

З цікавасцю слухалі вучні ўрывак з новай паэмы "Вандроўка ў вечнасць", прысвечанай Язэпу Драздовічу. Яго прачытала аўтарка, паэтэса, член Саюза пісьменнікаў Беларусі Ганна Зінкевіч. Напісаная з пяшчотай, любоўю і павагай да мастака, у паэме яскрава і глыбока перададзены вобраз і ўнутраны свет нашага земляка. 

29 мая 2018 г.

Бібліятэкар Марцыбылінскай сельскай бібліятэкі Счасная К.Ф.