Зіма,снег,елка…Гэтыя  простыя словы цудоўна дапаўняюць  усімі любімыя  зімовыя святы - Каляды, Новы год,Нараджэнне Хрыстова… Можа таму так святочна на мінулым тыдні прайшла калядная сустрэча “Каб не страціць святое штосьці”, арганізаваная сумесна Празароцкай  сельскай бібліятэкай і  ДУА  “Празароцкая дзіцячы сад- сярэдняя  школа” для дарослых і дзяцей з удзелам мясцовых святароў – айца Канстанціна і ксяндза Дзмітрыя.

    Прысутныя з цікавасцю слухалі   святароў , якія вялі размову аб духоўнасці нашага жыцця: святасці сям’і,  сяброўстве, павазе і моцы веры…Яны павіншавалі  з каляднымі святамі ўсіх прысутных.

Бібліятэкар сельскай бібліятэкі  Сабачэўская А.В. правяла агляд-знаёмства  з кніжнай выставай  “Кніжны востраў духоўнасці”, на якой былі прадстаўлены  кнігі, брашуры,часопісы, раскрываючыя таямніцы царквы, правілы паводзін у храме, аб жыціі святых, аб духоўным выхаванні ў сям’і, па здароваму ладу жыцця з пункту гледжання духавенства,мастацкую літаратуру духоўнага зместу.

Бібліятэкар таксама падзялілася вопытам  захавання калядных традыцый у сваёй сям’і.

    У заключэнне ўсе прыйшлі да высновы, што без духоўнасці няма асобы, без ведаў няма развіцця гэтай асобы, без слова кнігі няма магчымасці набыць і асэнсаваць розумам  усё пералічанае.

Святочная сустрэча закончылася, але прысутныя не спяшаліся разыходзіцца, жадаючыя выбіралі кнігі і вялі зацікаўленую размову аб жыцці.