У  Псуеўскай сельскай бібліятэцы прайшла пазнавальная гадзіна  “Помаши приветливо рукою ”, прысвечаная Міжнароднаму дню прывітанняў.

Падчас мерапрыемства бібліятэкар расказала дзецям пра гісторыю ўзнікнення свята, бо не ўсе ведаюць, чаму менавіта 21 лістапада адзначаецца дзень прывітанняў.

Незвычайнае свята з'явілася ў 1973 годзе, калі ў разгар Халоднай вайны амерыканцы Браян і Майкл Маккорман са штата Небраска ў знак пратэсту супраць узмацнення міжнароднай напружанасці адправілі лісты з ветлівымі прывітаннямі ва ўсе канцы свету і папрасілі адрасата проста павітаць каго-небудзь яшчэ. Яго так і назвалі Міжнародны дзень прывітанняў. Гэта ідэя была падтрымана ў 180 краінах.

Бібліятэкар пазнаёміла хлопчыкаў і дзяўчынак не толькі са словамі прывітання, але і з жэстамі, якімі могуць суправаджацца прывітанні. Дзеці ўспомнілі прыказкі і прымаўкі аб дабрыні і ветлівасці.

Напрыканцы мерапрыемства бібліятэкар правяла віктарыну, з якой дзеці справіліся хутка, бо яны ўважліва слухалі ўсё і запаміналі.

Дзеці ж адзначылі для сябе, што трэба быць не толькі ветлівымі,але і дружалюбнымі ў адносінах адзін да аднаго,тады  і свет вакол нас будзе добрым і шчаслівым.

Г. М. Паўлоўская, бібліятэкар Псуеўскай сельскай бібліятэкі