14 лістапада з вучнямі 5 класа прайшла гадзіна дабрыні “Ты одна такая – любимая и родная!”  

Бібліятэкар распавяла школьнікам аб гісторыі ўзнікнення свята - Дзень Маці. Зрабіла агляд твораў і кніг, галоўнай гераіняй якіх была менавіта маці, яе самаахвярная любоў да дзяцей, прагучалі песні, прысвечаныя  роднаму чалавеку. Бібліятэкар з дзецьмі чыталі вершы прысвечаныя мамам,  разгадвалі жартоўныя загадкі пра матуль, дзецей і сям'ю, успаміналі прыказкі і прымаўкі. 

 Напрыканцы мерапрыемства кожнаму з прысутных бібліятэкар прапанавала ўзгадаць самыя прыемныя, жартоўныя ўспаміны аб сваёй маці. Дзеці з задавальненням расказвалі пра сваіх матуль.

Закончылася гадзіна дабрыні акцыяй-віншаваннем “Павіншуем матулю разам”. Удзельнікі мерапрыемства выйшлі на вуліцу аграгарадка і віншавалі ўсіх жанчын з надыходзячым святам.

Чыя мама лепшая

Адвячоркам мы гулялі

І аб мамах размаўлялі.

– У мяне, – прамовіў Пеця, –

Мама лепшая на свеце!

Усміхнуўся Толя: – Не!

Мама лепшая ў мяне!

– У мяне! – сказала Поля. –

Бо яна працуе ў школе!

– Ну дык што з таго, што ў школе! –

Запярэчыў Полі Коля. –

А мая кіруе крамай!

– А мая працуе... мамай

І цяпер з сястрычкай дома, –

Прашаптала ціха Тома.

– А мая, – сказала Ната, –

І за маму, і за тату!

Пэўна ж, мамачка мая

Лепей вашых удвая!..

Не згадзіўся з гэтым Пеця.

Пачалі спрачацца дзеці:

Коля з Поляй,

Пеця з Натай...

Ну а я

Пайшоў дахаты.

З імі я не стаў спрачацца.

І без спрэчкі ведаў я:

Калі шчыра разабрацца,

Мама лепшая – мая!

Генадзь Аўласенка

Чірвоная Г., бібліятэкар Карабоўскай сельскай бібліятэкі-клуб