13 кастрычніка Карабоўская сельская бібліятэка-клуб сумесна з Карабоўскай сярэдняй школай правялі ў памяшканні школы святочны канцэрт “ С поклоном говорим спасибо—мама!”  (да Дня маці).

Дзеці-артысты  пранікнёна павіншавалі сваіх мам і бабуль. Школьнікі спявалі песні, чыталі вершы, паказвалі мініяцюры.

Для матуль былі падрыхтаваны не толькі музычныя нумары, але і конкурсы, у якіх яны з задавальненнем прынялі ўдзел. Пасля кожнага выступлення не сціхалі авацыі. Мамы з захапленнем назіралі за выступленнямі сваіх дзяцей і ад душы радаваліся за сваіх дзетак!

Канцэрт атрымаўся сапраўды асаблівым, яркім і добрым!

Бібліятэкары Дзеркаўшчынскай сельскай бібліятэкі да свята мам арганізавалі і правялі Дзень маці “Мы ўсе жывём пад зоркай матулі”.Цікавасць усіх наведвальнікаў бібліятэкі выклікала выстава дзіцячых работ і малюнкаў  “Адзіная, любая, дарагая”, якая была аформлена  ў чытальнай зале бібліятэкі.

Падчас правядзення гадзіны паэзіі “Славим женщину, чьё имя мать”  гучалі словы падзякі, шчырыя віншаванні і цудоўныя вершы для матуль. Напрыканцы святочнага мерапрыемства дзеці падарылі матулям  кветкі і падарункі, зробленыя сваімі рукамі.