На мінулым тыдні  ў Празароках адбыліся традыцыйныя Калядныя сустрэчы.

На сустрэчу  завіталі старшыня Глыбоцкага райвыканкама Морхат А.В., старшыня Празароцкага сельвыканкама Міхайлоўская І.І., кіраўнік ААТ “Чарневічы” Бабіч У.У., ксёндз Дзмітрый і айцец Канстанцін.

Зала была перапоўнена. Тут сабраліся і дарослыя, і дзеці.

Усе трапілі нібы ў казку – прывабнае навагодняе афармленне прыдавала святу загадкавасць і таямнічасць.

Прысутным была прадстаўлена кніжная выстава-панарама “Кніжны востраў духоўнасці”, ля бібіліятэкар Сабачэўская А.В. правяла гутарку-агляд “Рождественский рассказ”. Дзейнічалі выстава дзіцячай творчасці ”Цудоўных рук майстэрства” і выстава дзіцячых малюнкаў “Чараўніца – зіма”.

Цікавым і вясёлым атрымалася і  тэатралізаванае выступленне з калядаваннем, гульнямі, танцамі.

Цёплыя словы  святочных віншаванняў з пажаданнямі дабрабыту, душэўнага спакою, узаемаразумення і ладу ў сем’ях выказалі госці сустрэчы.

Кіраўніком раёна А.В.Морхатам былі ўручаны Ганаровыя граматы, падзякі і падарункі шматдзетным, прыёмным і апякунскім сем’ям, а таксама вучням - пераможцам рэспубліканскіх, абласных, раённых, унутрышкольных алімпіяд, конкурсаў, спартыўных спаборніцтваў. На свяце панавала атмасфера дабрыні і міласэрнасці.

Такія сустрэчы мацуюць хрысціянскую веру , абараняюць сямейныя каштоўнасці, развіваюць дабрачыннасць, выхоўваюць патрыятызм.

Сабачэўская А.В.,

21 студзеня 2018 г.