18 красавіка Мнюцкі дом культуры і бібліятэка сталі цэнтрам святочнай велікоднай падзеі.  Работнікі культуры запрасілі аднавяскоўцаў на святочнае мерапрыемства “Пасхе солнечной мы рады!..”

На свята  спяшаліся вучні Суклінскай школы, члены БРСМ КПФ “Мнюта”, пенсіянеры, прыхажане.

Работнікі Мнюцкага дома культуры падрыхтавалі цікавае падарожжа па астравах Веры, Любові, Надзеі, Міласэрнасці і Сяброўста. Галоўнымі артыстамі былі наведвальнікі нядзельнай школы, якая працуе пры царкве Св. Параскевы, што ў Плісе. Прыгожа вяла мерапрыемства Лена Філіпёнак.

Гледачам было прыемна пачуць прывітальныя словы  святара царквы Св. Параскевы іерэя Міхаіла. Айцец Міхаіл гаварыў аб значнасці Пасхі для кожнага чалавека, незалежна ад веравызнання, аб традыцыях святкавання Вялікадня, пачаставаў прысутных чырвонымі яйкамі – сівалам Пасхі.

Разыходзіліся ўдзельнікі свята са светлымі думкамі і радаснымі душамі, бо мерапрыемства было вельмі шчырым і кранальным.