Пачынаюцца летнія канікулы.Не пашкодзіць лішні раз паўтарыць правілы бяспекі дзецям і іх бацькам. Менавіта зніжэнню колькасці  надзвычайных сітуацый  з удзелам дзяцей і забеспячэнню іх агульнай беспекі прысвячалася і    рэспубліканская  прафілактычная акцыя “Не оставляйте детей одних”. З гэтай нагоды для юных чытачоў, падлеткаў  і іх бацькоў  у Глыбоцкай  бібліятэцы дзейнічае  выстава-заклік “Безопасность значит жизнь”.

На выставе прадстаўлены кнігі, якія распавядаюць дзецям  пра небяспеку, якая  можа  чакаць іх ў кватэры, на дарозе, у час гульняў ў двары, асабліва,  калі яны застаюцца адны.  Асабліка цікава і змястоўна пра гэта расказвае кніга Валянціны Данько “Дзе хаваецца небяспека, альбо слушныя гісторыі ад бабы Валі”.

Акрамя кніг на выставе змешчана інфармацыя “Правила безопасного обращения с газовыми приборами”, “Правила пожарной безопасности”, “Пожарная безопасность в многоквартирных жилых домах”.

Дадаткова для юных чытачоў прадстаўдена  інфармацыя, дзе па кроках у малюнках  паказана, як правільна паводзіць сябе, калі бяда ўжо здарылася.

Для удзельнікаў выставы падрыхтаваны буклеты, закладкі і памяткі.

Выстава пра бяспечнае лета  будзе дзейнічаць ў Глыбоцкай дзіцячай бібліятэцы яшчэ і  на працягу чэрвеня.

Супрацоўнікі бібліятэкі звяртаюцца да сваіх чытачоў з заклікам : “Выконвайце простыя правілы бяспекі,каб правесці летнія канікулы з максімальным задавальненнем!”