Мнюцкая сельская бібліятэка адна з нямногіх сельскіх устаноў, якая з'яўляецца публічнай, адкрытай і даступнай кожнаму жыхару мясцовасці. Бібліятэка выконвае інфармацыйныя і сацыя-культурныя функцыі і з'яўляецца месцам сустрэч не толькі юных вяскоўцаў, але і для жыхароў старэйшага ўзросту.  

Для пажалых наведвальнікаў бібліятэкар Алена Іванаўна Рабянок знойдзе кнігі па інтарэсах, пазнаёміць з новай перыёдыкай, пры неабходнасці прачытае той ці іншы артыкул, абмяркуе прачытанае ці ўбачанае па тэлевізару.

Часам абмяркоўваюцца не толькі мясцовыя навіны альбо прачытаныя кнігі, але і праблемы грамадства. Так, старэйшыя жыхары вёскі гутарылі аб шкодных звычках, якім, шчыра кажучы, былі падуладны і людзі іх пакалення. Але аб адной страшанай навале, якая падступае да моладзі - наркотыках, яны разамаўлялі з заклапочанасцю, разважалі аб крыніцах наркаманіі, яе распаўсюджванні і трагічнай развязцы "любові да наркотыкаў".