Напачатку студзеня ў гарадскім доме культуры адбыўся святочны навагодні агеньчык “С Рождеством и Новым годом”.

Гасцей мерапрыемства павіншавалі з наступіўшым Новым годам і Раством Хрыстовым старшыня Глыбоцкага раённага выканаўчага камітэта Шубскі Аляксандр Мікалаевіч і прадстаўнікі БРСМ і ўручылі падарункі.

Удзельніца літаратурна-музычнай гасцёўні “Сустрэчы для душы” (Глыбоцкая ЦРБ) Таццяна Ломыш прачытала ўласныя навагоднія вершы. А салісты народнага клуба ветэранаў “Маналіт” правялі святочны канцэрт.

З вялікім задавальненнем госці свята ўдзельнічалі ў навагодніх гульнях, музычных віктарынах. Хто прыйшоў у навагоднім касцюме --- паўдзельнічалі ў яго абароне. Усе госці свята атрымалі салодкія прызы. З асобай цеплынёй успаміналі сваё дзяцінства, вадзілі хараводы, спявалі любімыя песні.

Юркевіч Ж.Б., бібліятэкар чытальнай залы Глыбоцкай ЦРБ