Напярэдадні навагодніх святаў Глыбоцкая дзіцячая бібліятэка запрасіла сваіх чытачоў на гадзіну цікавых паведамленняў “Мы сустракаем Новы год”.

Дзеці  адправіліся ў незвычайнае падарожжа па ўсяму зямному шару, пабывалі ў розных краінах, дзе пазнаёміліся з рознымі цікавымі традыцыямі і звычкамі сустрэчы  Новага года. Таксама ўзгадалі  традыцыі  святкавання гэтага свята ў сваіх сем’ях.

На мерапрыемства “завіталі” Дзеды Марозы з розных краін: дзеці даведаліся пра гісторыю ўзнікнення нашага Дзеда Мароза, “пабывалі” у яго рэзідэнцыі, пазналі, як выглядае і як называецца  галоўны герой свята ў многіх краінах свету.

Весела і займальна вучні адказвалі на  заданні з “Чароўнага куфэрка”, які дапамог успомніць казкі і апавяданні на тэму Новага года. Загадкі на зімовую тэму са скрыні “Загадкі нашага двара” дапамаглі зрабіць невялічкую гімнастыку для розума, задумацца і паразважаць.

Дзеці разам саставілі гумарыстычнае пісьмо да Дзеда Мароза, пагулялі ў вясёлую гульню “Замарожаныя дзеткі”.

У часе мерапрыемства гучалі вясёлыя навагоднія песні, відэа-кліпы, дзеці спявалі і танцавалі. 

Гасцямі бібліятэкі былі вучні Мярэцкаўскай базавай школы  і наведвальнікі лагера адпачынку  Глыбоцкай раённай гімназіі.

Мерапрыемства распрацавала і правяла бібліятэкар Глыбоцкай дзіцячай бібліятэкі Трапук М. Г.