Летні час для вяскоўцаў -- не самая чытальная пара.

Аднак, у Мнюцкай сельскай бібліятэцы сабралася дзетвара на свята дзяцінства “Улыбок детских негасимый свет”. Сустрэча прайшла цікава і пазнавальна. Дзеці актыўна ўдзельнічалі ў віктарынах і вясёлых конкурсах, адгадвалі загадкі і шарады, пераўсабляліся ў літаратурных герояў і агучавалі кнігі па ралях. Да мерапрыемстваў бібліятэкар падрыхтавала кніжную выставу "Летам з кнігай весялей!”

23 чэрвеня на відэагадзіну “Преподобная Евфросиния Полоцкая и её крест” бібліятэкар запрасіла дарослых вяскоўцаў. Гаворка ішла пра святую заступніцу Беларусі Ефрасінню Полацкую. Бібліятэкар адзначыла  значэнне асобы прападобнай Ефрасінні ў гісторыі Беларусі і той значны ўклад, які яна ўнесла ў развіццё рэлігіі і культуры старажытнай Полаччыны, акцэнтавала ўвагу прысутных на тое, што святую аднолькава шануюць як праваслаўныя, так і каталікі.  

Свой аповед бібліятэкар дапаўняла фрагментамі дакументальнага фільма «Еўфрасіння Полацкая. Фільм Алега Лукашэвіча», дзе распавядаецца пра жыццё першай беларускай асветніцы, яе духоўную спадчыну і асветніцкую дзейнасць. У рамках відэагадзіны бібліятэкар выкарыстала і відэаагляд літаратуры “Асветніца з роду Усяслава: Еўфрасіння Полацкая”.

Рябянок А.І., бібліятэкар Мнюцкай сельскай бібліятэкі