Ліпень быў гарачым ад сонца і рознастайных мерапрыемстваў! Трэба было ўсё паспець -- на возеры пакупацца і ў бібліятэку збегаць!

“Сёння кнігі адпачываюць, а вас вітаюць часопісы” - пад такой назвай у Падсвільскай дзіцячай бібліятэцы на працягу ліпеня дзейнічала выстава прэс-драйв. Наведвальнікі падрабязна знаёміліся з часопісамі, іх зместам і рубрыкамі, адказвалі на пытанні шматлікіх віктарын, адгадвалі загадкі і рэбусы, разгадвалі крыжаванкі. Адным словам , была поўная "мазгакрутка"!

Да Дня незалежнасці Беларусі супрацоўнікі бібліятэкі правялі гістарычна-інфармацыйную гадзіну “Тры сімвалы дзяржаўнасці”. Бібліятэкар пазнаёміла дзяцей з гісторыяй узнікнення сімвалаў нашай дзяржавы. Расказала пра ролю і значэнне сімволікі ў жыцці кожнага чалавека і краіны ў цэлым. Падрабязна распавяла аб Гербе і  Сцягу  Беларусі, значэнні ўзораў і кветак на сімвалах дзяржаўнасці. Не абышлі ўвагай і Гімн, яго ролю ў жыцці любой краіны, гісторыю напісання гімна Рэспублікі Беларусь. Падрабязна абмеркавалі, у якіх выпадках гімн выконваецца. Віктарына “Сімвалы Беларусі” замацавала атрыманыя веды. Выстава-прагляд “Беларусь і беларусы. Гістарычная памяць” упрыгожыла і праілюстравала тэму гістарычна-інфармацыйнай гадзіны.

Каб далучыць дзяцей да чытання работнікі бібліятэкі арганізавалі акцыю”Падарожжа кнігі”. У ёй прынялі ўдзел 23 чытачы. Кнігай-падарожніцай абралі "Канька-гарбунка" П.Яршова. Бібліятэкары афармілі “дарожны ліст”  кнігі, які ўручаўся кожнаму «чытачу-вандроўніку», які вырашыў прачытаць казачны твор. Прачытаўшы твор, чытач запісваў свае ўражанні ў “дарожны ліст” і разам з кнігай перадаваў наступнаму чытачу і г. д.

У канцы месяца было арганізавана  абмеркаванне "падарожжа кнігі" і ўражанняў, якія яна выклікала. Вельмі прыемна , што дзеці ў сваіх выказваннях жадалі героям казкі ўсяго самага добрага!!!

Заг. Падсвільскай дзіцячай бібліятэкі А.І.Каляга