Лета - гэта канікулы, пара гульняў, весялосці на паветры,    новыя знаёмствы і, каб лета стала самым яркім і запамінальным, трэба ведаць і помніць пра правілы бяспекі. З гэтай мэтай бібліятэкары Падсвільскай дзіцячай бібліятэкі аформілі кніжную выставу - гульню “Бяспека - гэта важна!” і   расказалі юным наведвальнікам, што такое бяспека, як трэба паводзіць сябе, каб не нашкодзіць свайму жыццю і здароўю. Дзеці называлі нумары тэлефонаў спецыяльных службаў і ў якіх выпадках працаўнікі гэтых службаў прыходзяць да людзей на дапамогу. Праз  гульні, загадкі дзеці  замацоўвалі веды пра правілы бяспечных паводзін у розных сітуацыях, пра небяспечныя прадметы.

У Псуеўскай бібліятэцы прайшла акцыя “Водным рэсурсам-чысты бераг”.Дзеці разам з бібліятэкарам  збіралі смецце ўздож берагавой лініі.Падчас акцыі бібліятэкар вяла размову пра беражлівыя адносіны да навакольнага асяроддзя. Потым разам  склалі  і павесілі на дрэве пасланне для адпачываючых не  засмечваць тэрыторыю і берагчы прыроду!

 Бібліятэкары Дзеркаўшчынскай сельскай бібліятэкі арганізавалі  падарожжа на казачную паляну “Сказки народов мира”  і запрасілі дзяцей малодшых класаў і дашкольнікаў. Падарожжа праходзіла на абанеменце і ў дзіцячым гульнявым пакоі. Для падарожжа былі падабраны кнігі з серыі “В гостях у сказки”: “Гора самоцветов”(туркменские народные сказки); “Волшебное кольцо”(азербайджанские сказки); “Дочка умница”(узбекские народные сказки); “Летучий корабль”(литовские народные сказки); “Гуси-лебеди” (русские народные сказки); “Золотая птица”(белорусские народные сказки).

Дзеці з задавальненнем слухалі казкі, удзельнічалі ў віктарыне.  Акрамя падабраных кніг,  дзеці самі выбіралі сабе кнігі, якія іх цікавілі.

  23.07.2021