Лета з бібліятэкай працягваецца ў Шунеўскай бібліятэцы. Бібліятэкары запрасілі дзяцей са школьнага летняга лагера на спартыўнае свята “Вясёлыя старты”. Правесці яго рашылі на стадыёне.

    Дзве каманды – “Маланка” і “Гепарды” (такія назвы прыдумалі самі дзеці) спаборнічалі ў спрыце, хуткасці, лоўкасці і знаходлівасці.

    Лета – пара экстрыму. Можна паехаць адпачываць у экзатычную краіну і сустрэцца там з нечаканасцямі, можна ў лесе натрапіць на непралазнае балота або сустрэць змяю, а можна проста парыбачыць, збіраць вітаміны і дэгусціраваць карысныя напоі.

     Каб быць гатовымі да розных нечаканасцей, дзеці вучыліся іх пераадольваць. Спачатку спаборнічалі ў “скачках кенгуру” , затым збіралі “вітаміны” – пластыкавыя шарыкі рознага колеру. Каб абараніцца ад спёкі –  з завязанымі вачыма дэгуставалі напоі: малако, колу, сок, ваду, мінералку.У паузе паміж стартамі – адгадвалі загадкі пра розныя віды спорту. Затым адправіліся на рыбалку. Лыжкай трэба было з вядра з вадой злавіць як мага больш “рыбы” . Лоўка справіліся каманды і з пераадоленнем “балота”. Трэба было перайсці яго, толькі наступаючы на бяспечныя месцы. Апошнім выпрабаваннем была сустрэча са “змяёй”. Адна каманда атрымлівала паясы і круціла імі як змеямі, а другая каманда іх таптала. Затым ролі мяняліся.

      Больш спрытнымі аказаліся дзеці з каманды “Маланка”. Яны атрымалі “залатыя медалі”, а каманда “Гепарды” – сярэбраныя.

      Ладзячы такія мерапрыемствы, прыйшлі да высновы, што калі дзецям цікава, калі тое, што ім прапаноўваем, можа іх чамусьці навучыць, зацікавіць, то і вольны час будзе праведзены з карысцю і запамінальна.

24 чэрвеня       Заг. бібліятэкі Нікіфаровіч І.Ф.