20 верасня  ў 17.30  Глыбоцкая бібліятэка сямейнага чытання  сустракала чытачоў і сяброў бібліятэкі на чарговай “Бібліяночы-2018”.Пад чароўныя гукі саксакофона навучэнкі Глыбоцкай дзіцячай школы мастацтваў Эвеліны Шуран адбылося ўрачыстае адкрыццё.

У файе бібліліятэкі размясціліся майстар-класы  па маляванні на вадзе ад Алены Зібаравай і вырабе ўпрыгожванняў ад ТЦСАН “Крыніца”.

Тут жа  працавала фотазона “Ля каміна”.У “Літаратурнай кавярні” можна было пачаставацца прысмакамі, выпіць кубачак гарбаты,але толькі пасля таго, калі адкажаш на пытанні літаратурна-кулінарнай віктарыны.

З цікавасцю знаёміліся наведвальнікі “Бібліяночы” з фотавыставай “Пра малую радзіму з любоўю” мясцовага фатографа Міхаіла Тарасёнка.

На другім паверсе бібліятэкі  было больш ажыўлённа і шумна.У актавай зале праходзіла сустрэча з калекцыянерам анёлаў Сінкевіч Людмілай.

На абанемеце моладзь мела магчымасць паўдзельнічаць у літаратуных гульнях і інтэрактыўнай віктарыне, пазнаёміцца з выставай “Гімн роднаму гораду”.

 У чытальнай зале  падчас правядзення моднага подыума “У нас не Парыж,але…” ажылі старонкі альбома “Традыцыйнае адзенне Віцебшчыны”.Завяршыўся модны подыум паказам вязаных  сучасных вырабаў  глыбочанак, юныя наведвальнікі мерапрыемства прадэманстравалі   дзіцячыя навагоднія касцюмаы ад А.Місюлі.Тут жа была прадстаўлена выстава “Блізнае- далёкае” фатографа з Мінска М.Аракчэева.

Таямнічы салон мадам Ля Бук запрашаў жадаючых даведацца пра сваю будучыню.Дарэчы,  ля салона нават стаяла чарга!

Адначасова праходзіла творчая сустрэча з гасцямі з Пастаўшчыны М.Катовіч і І. Іванісавай  і чэмпіянат па гучнаму чытанню.Удзельнікі чэмпіяната , а іх было 7 чалавек, чыталі  ўслых вершы, мастаці тэкст і навукова-папулярны тэкст.Мерапрыемства праходзіла цікава і весела. Пераможцам стала  пенсіянерка Юхневіч Ніна Сяргееўна.

На працягу “Бібліяночы”   за ўдзел ў  мерапрыемствах усім наведвальнікам уручаліся  жэтоны- біблікі. Пад час закрыцця самыя актыўныя ўдзельнікі атрымалі на памяць памятныя падарункі.

Супрацоўнікі бібліятэцы  шчыра дзякуюць усім,хто знайшоў час і падтрымаў   “Бібліяноч-2018”!

Паважаныя  сябры! Хадзіце ў бібліятэкі! Чытайце кнігі! Марце, як у фантастыцы, любіце, як у раманах, будзьце мудрымі, як у байках і жывіце доўга і шчасліва, як у казках! Чакайце працяг фотасправаздачы!