28 сакавіка ў Шунеўскай бібліятэцы для вучняў 4 – 6 класаў адбылася прэзентацыя кнігі “Ад шчырага сэрца: падарунак любай маме ”.

         Пачалося мерапрыемства цёплымі словамі, прысвечанымі любым матулям. Загадчыца бібліятэкі  Цяліца Валянціна  ўзгадала  кнігі  пра маці, якія ёсць у фондзе бібліятэкі і карыстаюцца  вялікім  попытам  у карыстальнікаў.

Бібліятэкар Аксяновіч Таццяна   пазнаёміла юных чытачоў  з новай кнігай “Ад шчырага сэрца: падарунак для мамы”, якую атрымала бібліятэка напрыканцы  мінулага года. У зборніку расказваецца пра маці знакамітых айчынных пісьменнікаў, мастакоў, музыкантаў, рэжысёраў, а таксама сусветна вядомых прадстаўнікоў розных творчых прафесій. Адзін з раздзелаў складаюць вершы і апавяданні, прысвечаныя самаму дарагому чалавеку ў свеце.

Вершы з  гэтай кнігі  гучалі як ў  выкананні бібліятэкараў, так  і вучаніц 6 класа Сапуновай Сашы, Міхалевіч Лізы. Зачытваліся  ўрыўкі  з твораў У.Ліпскага,  Я.Купалы,  Я.Коласа і іншых пісьменнікаў. Дзеці з цікавасцю знаёміліся з рэпрадукцыямі карцін славутых жывапісцаў розных краін і эпох,на якіх захаваны воблік жанчыны-маці.

Аксяновіч Таццяна, бібліятэкар Шунеўскай сельскай бібліятэкі, 2017 г.