Тыдзень дзiцячай кнiгi ў Азярэцкай бiблiятэцы-музеi этнаграфii прайшоў пад дэвiзам “Чалавек, якi чытае - чалавек паспяховы!“

Падарожжа ў краiну Яе Вялiкасцi Кнiгi, прысвечанае Сусветнаму Дню паэзii, зрабiлi госцi бiблiятэкi - вучнi 5 класа Азярэцкай школы. Iх увазе былі прадстаўлены кнiжныя выставы “Сучасная беларуская кніга” і «Сусветны Дзень паэзіі”.

Ля кнiжных палiц дзецi пазнаёмiлiся з кнiгамi i пачулi, што “...сучасная беларуская паэзiя – невычэрпная крынiца духоўнага хараства. Яна вучыць высокай праўдзе i чалавечнасцi, раскрывае ўнутраны свет чалавека, падымае душу народа над будзённа-павярхоўным i дробязным. Гiсторыя iснавання чалавецтва, сацыяльнае i нацыянальнае адраджэнне, пераломныя гiстарычныя моманты, мiрная праца, змаганне ў гады лiхалецця, сённяшнi дзень, наш сучаснiк – усё гэта знайшло сваё ўвасабленне ў паэтычных радках. На поўны голас гучыць сёння зварот паэтаў да сучаснiкаў з просьбай прагнуць вялiкiх мэт, жыць у пульсе часу, верыць у перамогу мудрасцi i духоўнасцi, ажыццяўляць мары аб тым, што ў будучым “будзе наша зямля светлай i прыгожай… Там будзе сонца i жыццё … Там будзе Мiр”…

Потым юныя наведвальнiкі адказвалi на займальныя пытанні з гісторыі і сучаснасці Беларусі.

Не змаглі не завiтаць вучнi на экскурсію ў этнаграфiчны музей “Беларуская хатка”, якая iм вельмi спадабалася...