Для ўдзельнікаў школьнага летняга лагера супрацоўнікі Падсвільскай гарпасялковай бібліятэкі правялі бібліятэчную гадзіну “Мір дзяцінства – мір дабра”. Уся гадзіна была прысвечана бібліятэцы і кнігам.  

Падчас літаратурнага падарожжа дзеці шукалі скарб і на кожным прыпынку  выконвалі цікавыя заданні -- адгадвалі загадкі, успаміналі літаратурных герояў і творы, у якіх распавядаецца пра іх, адказвалі на пытанні віктарын, спявалі песні і чыталі вершы. 

Прайшоўшы ўсе выпрабаванні, дзеці даведаліся, што скарбам на востраве з'яўляюцца кнігі, якія знаходзяцца ў бібліятэцы.

У ходзе бібліятэчнай гадзіны дзецям прапанавалі ў вольную гадзіну правесці  "Кніжны пікнік". Пікнік -- гэта смачныя ласункі, сцюдзёны ліманад, мяккі плед і летні дзень у парку побач з бібліятэкай…

Зрабіць пікнік яшчэ лепш дапамогуць кнігі — чытаючы адну за адной захапляльныя гісторыі, лёгка не заўважыць, як праляцеў цэлы дзень. Чытаць можна ўсім сябрам услых па чарзе, а пасля абмяркоўваць прачытанае за марозівам - такі дзень вам сапраўды запомніцца і яго лёгка арганізаваць!

А ў якасці кніг для пікніка бібліятэкары прапанавалі агляд выставы кніг “Мір дзяцінства – мір дабрыні”.