Весела і цікава праходзяць летнія канікулы ў Шунеўскай бібліятэцы. З пачатку чэрвеня для дзяцей працуе выстава-бібліяканікулы “Ты представь себе на миг, как бы жили мы без книг”. На ей размешчаны кнігі на любы густ і для рознага ўзросту. Маляўніча аформленая, яна не дазваляе юнаму чытачу прайсці міма, абавязкова ўзнікае жаданне пачытаць.

На свяце дзяцінства “Капітаны ў кніжным акіяне” кожны мог паспрабаваць свае сілы ў веданні казак  і не толькі. Дапамагала вызначыць сапраўднага знаўцу кніг гульня "дартс". З яе дапамогай атрымлівалі нумар задання, якія знаходзіліся у канвертах з адпаведнай лічбай. Заданні былі самыя розныя: скласці пазл, размаляваць казачнага персанажа, адказаць на пытанні, адгадаць загадкі, вызначыць казку па малюнку і інш. Жадаючых паудзельнічаць было шмат, таму гульня "дартс" засталася, як дапаўненне да выставы летняга чытання на ўсе канікулы.

Не забыліся ў бібліятэцы і пра незвычайнае свята “Дзень малака”. У бібліякафэ “Малочныя рэкі, кісельныя берагі” дзеці  не толькі дэгуставалі малочную прадукцыю, але і пачулі шмат карыснай інфармацыі пра яе. Напрыклад, чаму і калі ўзнікла гэтае свята, якія вітаміны ўтрымлівае малако, як яго выкарыстоўвалі ў старажытнасці?  Гульні і заданні намалочную тэму дапамаглі замацаваць атрыманыя веды.

Урывак з перадачы “Маршрут построен” адправіў наведвальнікаў кафэ на Глыбоцкі малочна- кансервавы камбінат. Дзеці паглядзелі, як робяць усімі любімую згушчонку.

Закончылася сустрэча праглядам мультфільма “Ангел Бэби – Живое молоко”.

21.06.2025 г.                                   заг. бібліятэкі І. Нікіфаровіч